赤裸的秘密
曲︰薛忠銘 詞︰潘源良
就像是一艘飛向星的客機
心彷彿早已離地 身邊的一切游離
不夠膽望向你 為怕你知道此刻的心理
還是推開你 去呼吸空氣
盡力地說一些笑話做逃避
偏不知怎麼說起 方可找得到自己
為何能遇上你 能驟眼己感到沒半點距離
純屬緣份 還是如以往我再自欺
偷偷感激你 能讓我再試這滋味
無奈我卻怕愛比刀鋒更利
更痴戀也是要捨棄
只好感激你 明日我要與你分飛千里
留下我愛你這赤裸的秘密
也只好偶然再想起
Posts
冠而的便條
14 years ago
6 comments:
嘩~ 首歌勁正呀!
你有冇聽過哥哥旁白個version
"一隻手係解唔開個結"....哈哈..其實我已經唔係好記得喇 :P
「離開你已經差唔多一年
但係唔知點解 當我每朝早起身剃鬚嘅時候
仍然可以係個鏡裡面 睇到你啱啱瞓醒嗰個樣
好似隻貓咁 將個頭捐入我睡衣入面
記得你講過人越嚟越大 就越嚟越唔敢開始一段感情
你亦都講過從來冇試過同一個男人
可以好似同我係埋一齊咁開心咁投入
但係點解 你始終都唔肯講畀我聽
你愛我嘅」
「鏡裡面 我又見到你著住我送畀你嗰件睡衣
呢 係你胸口上面有個蝴蝶結嗰件
你每一次都好唔小心咁將佢打成死結
而我就一隻手剃鬚 一隻手想幫你解開佢
而你話 個結係我用兩隻手打架
你用一隻又點可以結開呢
我真係好想知道
究竟要一對點樣嘅手
先至可以幫你解開你感情上面嘅死結
究竟要一個點樣嘅男人
先至可以令你毫無顧慮咁去愛佢呢」
Pinocchio,
當然有, 以前都放過上radio blog.
呢個版本, 係隨手上網search o既, 貪方便!
尋晚臨訓, 突然諗起呢首歌.
好鍾意個感覺, 尤其係第一句, 只係一句歌詞, 已經有晒意境、心情...
五師兄,
謝謝你啊~
感激!
:)
你好
我是台灣人 不懂粵語
不過很喜歡這首歌曲
我試圖搜尋網站中口白歌詞
找到你的BLOG
看懂了哥哥的旁白
不過最後林忆莲說了些什麼
我不是很懂
可以請你幫我寫下口白嗎
非常感謝你
感情o既事，我從來都唔知道應該要點樣解釋，
可能係因為以前所受o既傷啦。
我同自己講，唔好再付出喇，
即使我好清楚知道，唔會再有機會碰到一個好似你咁樣o既男人，
我諗人都係自私o既，
o係我再一次受傷之前，
請你原諒我，我只可以離開......
Post a Comment