咳了三日，期間吃過中成藥（六神丸），也吃過西成藥（感冒咳片），也口含八仙果，仍然止唔到咳，唯有看醫生去。
醫生（不熟的）循例問我有否藥物敏感之類，也有問是否打算短期內懷孕，我都說沒有。
後來又再問經期如何，我說：啊！好像遲了一星期！
然後他說：那麼我開些懷孕吃也沒問題的藥給你！
-_________________________-"
我以為他在關心病人的生理期是否正常，誰知卻只是轉個圈子探問你會否懷了孕。
我知道，今時今日，病歷表上寫的單身已不代表沒機會懷孕，
但當醫生你之前已這麼直截了當的問過一次時，幹嗎又要再問一次？
是因為你其實心不在焉，自己問過也不知道？
頂！
本來好想好坦白咁同佢講：“最近都冇搞過o野，點懷孕呀？你唔使專登開d大o左肚都食得o既藥俾我喎！”
後來都係算，懶講咁多，既然佢只係識咁諗o野。
這讓我想起最近那個“女性特別部位”的廣告又再出現了（這次好像是新一輯）！
頂！大家直接d 好唔好？
Posts
5 comments:
有次我食物中毒入急症室。D醫生護士話我心跳唔知快得滯定慢得滯﹐總之就話懷疑我有左。我都話明我親戚岩岩黎完﹐點會有呀﹐佢地都夾梗迫我去驗孕﹐都冇解既!
話說加拿大請人唔可以問你會唔會已經有左，又唔可以話唔請女人。簽一年約但放半年產假好想死架嘛，結果呢邊教授最絕既招數係同應徵者講"你要做既工作有機會會影響胎兒健康架喎，你有無問題先？"
咁快就有兩個"外國女人"o黎留言, 真好! ^__^
我唔係外國女人啦~ :p
查實你係咪行錯入婦科? (笑)
而家啲醫生, 一係就淨係你講乜佢就聽乜, 乜都唔問就開藥, 如果問就問啲唔"那更" 嘅! 之前試過眼發炎去睇醫生, 個醫生係咁問我要唔要醫埋暗瘡 -____-
sputnik,
“之前試過眼發炎去睇醫生, 個醫生係咁問我要唔要醫埋暗瘡”
＜－咁都好, 當係added value o既service嘛, 不過, 如果佢開俾我d 藥, 如果因為懷孕都食得, 但藥力係弱d o既, 咁對我o黎講係捐失喎... :p
Post a Comment